Twitter icon
Facebook icon
Google+ icon
LinkedIn icon
YouTube icon

Health

സ്തനാർബുദ ചികിത്സ രംഗത്ത് വിപ്ലവകരമായ മാറ്റങ്ങൾ ഉണ്ടാക്കാൻ കഴിയുന്ന പുതിയ ഔഷധം വികസിപ്പിച്ചെടുത്തു. ടെക്സാസ് സൗത്ത് വെസ്റ്റേൻ സർവ്വകലാശാലയിലെ ഇന്ത്യൻ, അമേരിക്കൻ ശാസത്രജ്ഞർ സംയുക്തമായി നടത്തിയ ഗവേഷണത്തിനൊടുവിലാണ് പുതിയ ഔഷധ തന്മാത്ര കണ്ടു പിടിച്ചത്. നിലവിലുള്ള ചികിത്സാരീതിയോട് പ്രതിരോധം കാണിക്കുന്ന അർബുദം ചികിൽസിക്കാൻ പുതിയ മരുന്നു കൊണ്ട് കഴിയുമെന്നാണ് ഗവേഷകർ അവകാശപ്പെടുന്നത്. എൺപത് ശതമാനം സ്തനാർബുദവും ഈസ് ട്രോജൻ റെസപ്റ്റർ ഇരട്ടിക്കുന്നതു വഴിയാണ് ഉണ്ടാകുന്നത്.

പ്രായാധിക്യം തടയാൻ മാതള നാരങ്ങയ്ക്ക് ( Po megranate)കഴിയുമെന്ന് പഠന റിപ്പോർട്ട്.നാച്വറൽ മെഡിസിന്റെ ജെർണലിലാണ് പുതിയ പഠന ഫലം പ്രസിദ്ധീകരിച്ചിരിക്കുന്നത്. മാതള നാരങ്ങയിലടങ്ങിയിരിക്കുന്ന ആന്റി എയ്ജനിങ്ങ് ഘടകങ്ങൾ പേശികളെ ബലപ്പെടുത്തുകയും അവയുടെ ചുളിവുകൾ ഇല്ലാതാക്കുകയും ചെയ്യുന്നതായാണ് പഠനത്തിൽ കണ്ടെത്തിയിരിക്കുന്നത്.

ലണ്ടന്‍ : അര്‍ബുദ രോഗികള്‍ക്ക്  പ്രതീക്ഷ നല്‍കുന്ന പുതിയ ചികിത്സ രീതി ബ്രിട്ടനിലെ  ശാസ്ത്രജ്ഞര്‍ വികസിപ്പിച്ചെടുത്തു . രോഗം ബാധിച്ച കോശങ്ങളെ വളഞ്ഞുവെച്ച് നിമിഷങ്ങള്‍ക്കകം അവയെ നശിപ്പിക്കാന്‍ കഴിയുന്ന  പുതിയ ചികിത്സ രീതിയാണ് യു കെ ഗ്ലാസ്ഗോയിലെ ബീറ്റ്സന്‍ ഇന്‍സ്റ്റിട്യൂട്ടിലെ ഗവേഷകര്‍ വികസിപ്പിച്ചെടുത്തത് . അര്‍ബുദ കോശങ്ങള്‍ മരിക്കുന്നത് എങ്ങനെയാണെന്ന് കണ്ടെത്താനുള്ള പഠനങ്ങള്‍ക്കിടയിലാണ് നൂതന ചികിത്സ രീതി വികസിപ്പിച്ചത് . അര്‍ബുദ രോഗം ബാധിച്ച  കോശങ്ങളെ നശിപ്പിക്കാന്‍ ശേഷിയുള്ള "മീറ്റോ പ്രൈമിംഗ്" എന്ന മരുന്നാണ് ഗവേഷകര്‍ വികസിപ്പിച്ചത് .

കോലാലമ്പൂര്‍ : ഉപയോഗിച്ച എണ്ണ തന്നെ വീണ്ടും വീണ്ടും ചൂടാക്കി ഉപയോഗിച്ചാല്‍ ഉണ്ടാകുന്ന ആരോഗ്യ പ്രശ്നങ്ങള്‍ക്ക് വിട . എണ്‍പത് തവണ ചൂടാക്കി ഉപയോഗിക്കാന്‍ കഴിയുന്ന പാചക എണ്ണ  ശാസ്ത്രജ്ഞര്‍ വികസിപ്പിച്ചെടുത്തു.  പാമോയിലും നാരക ഇനത്തില്‍പ്പെട്ട സസ്യത്തില്‍ നിന്നെടുക്കുന്ന  നീരും ചേര്‍ത്ത് ഉണ്ടാക്കുന്ന എണ്ണ മലേഷ്യയിലെ  പുത്ര സര്‍വ്വകലാശാലയിലാണ് വികസിപ്പിച്ചെടുത്തത് . അഫ്ധാല്‍ എന്ന്‍ പേരിട്ടിരിക്കുന്ന എണ്ണ അര്‍ബുദത്തേയും ഹൃദ്രോഗത്തേയും  അകറ്റുമെന്നുമാത്രമല്ല  ഭക്ഷ്യ വസ്തുക്കള്‍ വറുക്കുമ്പോള്‍ എണ്ണ കുടിക്കുകയുമില്ല .

വാഷിങ്ങ്ടന്‍ : പ്രമേഹത്തിനായി ഇന്‍സുലിന്‍ കുത്തിവെക്കുന്നവര്‍ക്ക് സന്തോഷ വാര്‍ത്ത . വേദന സഹിച്ച് കുത്തിവെപ്പ് നടത്തുന്നതിനു പകരം ശരീരത്തില്‍ ഗ്ലൂക്കൊസിന്‍റെ അളവ് കൂടുന്നതിനനുസരിച്ച് അതിനെ കുറക്കാന്‍ സഹായിക്കുന്ന "സ്മാര്‍ട്ട് ഇന്‍സുലിന്‍ പാച്ച് " ഗവേഷകര്‍ വികസിപ്പിച്ചെടുത്തു .നോര്‍ത്ത് കരോലിന സര്‍വ്വകലാശാലയിലേയും എന്‍ സി സ്റ്റേറ്റ് സര്‍വ്വകലാശാലയിലേയും ഗവേഷകരാണ് പുതിയ കണ്ടുപിടിത്തം നടത്തിയിരിക്കുന്നത്.ഒരു പെന്നിയുടെ (ചെറിയ നാണയം) വലിപ്പമുള്ള ചതുരാകൃതിയിലുള്ളതാണ് സ്മാര്‍ട്ട്‌ ഇന്‍സുലിന്‍ പാച്ച് .

ടെക്സാസ് :  മാരകമായ എബോള വൈറസിനെ ചെറുക്കാനുള്ള ഫലപ്രദമായ കുത്തിവെപ്പ് ഗവേഷകര്‍ കണ്ടുപിടിച്ചു .

മുംബൈ : എച്ച് ഐ വി , ക്ഷയം , ഹീമോഫീലിയ  തുടങ്ങിയ രോഗങ്ങള്‍ക്ക് ഹോമിയോ ചികിത്സ ഫലപ്രദമെന്ന് ഗവേഷണഫലങ്ങള്‍ . ഭാഭാ അറ്റോമിക് റിസര്‍ച്ച് സെന്‍റര്‍,  മുംബൈ ഐ ഐ ടി,  ഇന്ത്യന്‍ കൌണ്‍സില്‍ ഫോര്‍ മെഡിക്കല്‍ റിസര്‍ച്ച് (ഐ സി എം ആര്‍ ), ഹഫ്കിന്‍ ഇന്‍സ്റ്റിട്ട്യൂട്ട്, എന്‍ ഐ ഐ എച്ച് തുടങ്ങിയ പ്രമുഖ ഗവേഷണ സ്ഥാപനങ്ങള്‍ നടത്തിയ ഗവേഷണങ്ങളിലാണ് ഹോമിയോപ്പതി ചികിത്സാ രംഗത്ത് പുത്തന്‍ പ്രതീക്ഷയാകുന്നു എന്ന്‍ കണ്ടെത്തിയിരിക്കുന്നത്. ഏപ്രില്‍ പതിനൊന്ന്, പന്ത്രണ്ട് തീയ്യതികളില്‍ മുംബയില്‍ നടക്കുന്ന ലോക ഹോമിയോ സമ്മേളനത്തില്‍ ഗവേഷണ ഫലങ്ങള്‍ അവതരിപ്പിക്കും .

മുംബൈ:  മരുന്നുകളോട് പ്രതിരോധം കാണിക്കുന്ന  രോഗാണുക്കള്‍  വര്‍ദ്ധിച്ചു വരുന്നതിനാല്‍ മുംബായ് നഗരത്തില്‍ ക്ഷയ രോഗികളുടെ  (TB)എണ്ണം കൂടിവരുന്നത് ആശങ്ക സൃഷ്ടിക്കുന്നു .2013 ല്‍ XDR  TB രോഗികളുടെ  എണ്ണം മഹാരാഷ്ട്രയില്‍ 145 ആയിരുന്നു  ഇതില്‍ 112  എണ്ണവും മുംബായ് നഗരത്തിലാണ് .  2014 ല്‍ സംസ്ഥാനത്ത് റിപ്പോര്‍ട്ട് ചെയ്യപ്പെട്ട  469 ക്ഷയ രോഗികളില്‍ 396എണ്ണവും മുംബായ് നഗരത്തിലാണ്. കഴിഞ്ഞ മൂന്നുവര്‍ഷത്തിനുള്ളിലാണ് മരുന്നുകളോട് പ്രതിരോധം കാണിക്കുന്ന XDR വിഭാഗത്തില്‍പ്പെട്ട ടി ബി നഗരത്തില്‍ കണ്ടുവരാന്‍ തുടങ്ങിയത് .

ബ്രിസ്ബന്‍ : ലോകത്തിലെ ആദ്യ ബയോണിക്ക് ഹൃദയം മനുഷ്യ ശരീരത്തില്‍ ട്രയല്‍ നടത്താന്‍ തയ്യാറാകുന്നു . ഹൃദയമിടിപ്പ്‌ ഇല്ലാതെ ശരീരഭാഗങ്ങളിലേക്ക്  രക്തം പമ്പ് ചെയ്യുന്ന ബയോണിക്ക് ഹൃദയം വികസിപ്പിച്ചെടുത്തത്  ബ്രിസ്ബെനിലെ എഞ്ചിനീയറായ ഡോ: ഡാനിയല്‍ ടിംസിന്‍റെ നേതൃത്വത്തിലുള്ള സംഘമാണ് .2001 ക്വീന്‍സ് ലാന്‍ഡ്‌ യൂണിവേഴ്സിറ്റി ഓഫ് ടെക്നോളജിയില്‍ പഠിക്കുമ്പോഴാണ് ഡോ: ടിംസ് പരീക്ഷണം ആരംഭിച്ചത് .BiVACOR എന്ന പേരുള്ള  ബയോണിക്ക് ഹാര്‍ട്ട്‌ ആടില്‍ വെച്ചുപിടിപ്പിച്ച്  നടത്തിയ പരീക്ഷണം വിജയം കണ്ടിരിക്കുകയാണ് .മുമ്പ് നിര്‍മ്മിച്ച ഹൃദയത്തെക്കാള്‍ ഈടു നില്‍ക്കുന്നതാണ് പുതിയ കൃത്രിമ ഹൃദയം .

ആരോഗ്യ നിഘണ്ടുവിലെ  ഏറ്റവും പേടിപ്പെടുത്തുന്ന  ഒരു വാക്കാണ് ക്യാന്‍സര്‍. മാരകമായ ഈ രോഗത്തെ ആരംഭദശയില്‍ തന്നെ കണ്ടെത്തി ചികില്‍സിച്ചാല്‍ പൂര്‍ണ്ണമായും ഭേദമാക്കമെന്നിരിക്കെ പലരും രോഗലക്ഷണങ്ങളെ നിസ്സാരമായി അവഗണിക്കുന്നതാണ് രോഗം  മൂര്‍ച്ചിക്കാന്‍ കാരണമാകുന്നതെന്നാണ്  ലണ്ടന്‍ യൂനിവേര്‍സിറ്റി കോളേജ് ജനുവരി ഇരുപത്തിയാറിനു പ്രസിദ്ധീകരിച്ച ജേര്‍ണല്‍ ഓഫ് ജനറല്‍ പ്രാക്ടീസില്‍ പറയുന്നത് . ലോക ക്യാന്‍സര്‍ ദിനമായി ആചരിക്കുന്ന ഫെബ്രുവരി 4 നു  ആരോഗ്യ വിദഗ്ധര്‍ ലോകത്തിനു നല്‍കുന്ന സന്ദേശവും ക്യാന്‍സര്‍ ലക്ഷണങ്ങളെ എങ്ങനെ കൈകാര്യം ചെയ്യണമെന്നതാണ്.

Alpha Media , B.34/6 , Kendriya Vihar
Kharghar , pin 410 210
Navi Mumbai , Maharashtra
India.
Tel : 022 27740 713
Mob : +91 9819 1039 28
Email : info@mumbaimalayali.com

Mumbai Malayali.in

© Alpha Media, Navi Mumbai 2014-2015. All rights reserved.

Designed & Maintained byAxon Communications